«Ոսկու Խամրած փայլը» գրքի շնորհանդես
Ապրիլի 15- ին Տավուշի մարզային գրադարանում տեղի ունեցավ Սմբատ Ցուցուլյանի ՝ «Ոսկու Խամրած փայլը» գրքի շնորհանդեսը: Միջոցառման խորագիրն էր «Հայաստանցի Շերլոք Հոլմսը»։ Գիրքը նվիրված է ոստիկանության գնդապետ, ՀՍՍՀ Ներքին գործերի նախարարության քրեական հետախուզության գլխավոր վարչության պետի տեղակալ, ճանաչված քննիչ, մեծ մասնագետ, վառ անձնավորություն, տաղանդավոր հրապարակախոս, գրող Սամվել Ցուցուլյանին։
Տեսաֆիլմի միջոցով ներկայացվեց գրքի համառոտ նկարագիրը, և գրքի հերոսի կերպարը։
Հաջորդիվ հեղինակին ողջունեցին և գրքի ծնունդը շնորհավորեցին գրքի խմբագիր Նորայր Գրիգորյանը և Ֆեդյա Ղուկասյանը ։
Սմբատ Ցուցուլյանը շնորհակալություն հայտնեց շնորհանդեսի ներկաներին, կազմակերպիչներին ու ելույթ ունեցողներին, ապա հանդիսատեսին ներկայացրեց ՝ թե ինչպես ծնվեց գիրքը, գրելու գաղափարը, պատասխանեց նրանց հարցերին և մի քանի գիրք նվիրեց ներկաներին։
